يممممممممه

الأسبوع اللي طاف اصطحبت اخواني و عيال خالتي للقرطاسية, كانوا يكلموني بإحترام و كنت آنه اللي اسوق و إذا صار إزعاج اقولهم سكتووووا و يسكتون بكل روح رياضية و كانت عندي فلوس الطلعة .. هاذي كله شي معتاد لولا شغلة وحدة صارت في خضم الموضوع كانت جنها نداء الصحوة او الويك اب كول .. بنت خالتي تحاول تقنعني تشتري لعبة مسدس, على قولتها.. يمكن يوم من الأيام احضر حفلة تنكرية و البس كاوبوي و آنه ماعندي مسدس, ما يصير لازم يكون عندي مسدس !!

 اهني بس استوعبت ان السنين تركض و اني كبرت و صرت اودي و اييب و اليهال يحترموني.. الأهم من هذا كله صرت من صناع القرار في الوطن العربي, صار بيدي قرار شراء لعبة

من جذي مايلي سايرس حلت مكان هيلاري داف لان السنين تركض و هيلاري داف عنحساب ما عادت مراهقة

و عشان جذي صور الأشياء اللي كانت حوالينا يوما ما صارت تدرج في إيميلات من قبيل.. آه يا زمن, ذكريات طفولة و عبق الحنين المتأجج

مو بعيدة واحد قدي حاليا يحضر لرئاسة امريكا 25 سنة من اللحين خبركم خططهم دايما بعيدة الأمد.. يمممه الأيام تركض سريعا و الرياضة موب من صوبي !!

Advertisements

16 تعليق to “يممممممممه”

  1. Catwoman Says:

    بالضبط .. وصفتي الحال اللي اشعر فيه حالياً
    توني بديت استوعب اني كبرت مع ان الشهر الياي اكمل 24
    يلله، الله كريم خخخخخ

  2. DUBAI Says:

    بحرينية

    خخخخخخخ

    أحيانا حديث الاطفال يكون شيق و مفيد في نفس الوقت..
    يا هم ينورونج بعالمهم أو يا أنتي تنوريهم ..

    الله يحفظهم يا رب !

    • wara8mu5a6a6 Says:

      الله يحفظ عيالنا و عيالكم

      بالنسبة للنور, اتوقع الأشعاع متبادل :p
      لأنه ساعات شغلات بسيطة الواحد يسويها حق اليهال.. ينبهرون و عيونهم تكبر
      فتصير انته يا راعي الحركة .. الكبيـــــــــــــــــــــــــر .. في عيون الأطفال و قلوبهم

  3. آمنة Says:

    نفس الشي حسيته لما بنت أختي ذات ال6سنوات قالت بإعجاب لا متناهي آآآآه خالطي يارب أكبر وأروح الجامعة مثلك. تساءلت ساعتها كيف إن حلمها كان حلمي وتحقق، خلتني أحس بالنعمة اللي أنا فيها 🙂

    • wara8mu5a6a6 Says:

      نتمنى الشغلة, ننام و نقعد .. نتخيلها و ننتظرها
      و لين تصير و اتصور .. يومين ثلاثة, عقبها.. حالها من حال الموجود
      يمكن هالشي نعمة .. يمكن هالشي نقمة .. يمكن هالشي كنا نعتقد انه احنا بحاجته .. ما يندرى .. بس اللي يندرى, ان صج الأحساس مشكل

      يخلي لج بنت الأخت و تجوفينها دكتورة 🙂

  4. Safeed Says:

    وهذه الدنيا لا يدوم على حال لها شانُ ..
    🙂

  5. Bashayer Arts Says:

    الأيام تركض و بذلك فالسنين تركض و انة مابعد ماحب الرياضة و لا من طبايعي المراكض ..
    بس الشي الحلو في الموضوع .. اني ماكان عندي مانع اراكض و كنت اقدر اوقف استريح شوي و اتذكر ايام الطفولة P:
    اني ويز .. العقل السليم في الجسم السليم .. و الات المشي ماتقول شي XD
    و دمتم سالمين ❤

    • wara8mu5a6a6 Says:

      ون .. تو .. ثري
      رياضة .. رياضة .. رياضة
      اهم شي عاد لين وقفتي شربي ماي فاتر مو بارد
      لأنه يقولون مع الركض .. القلب تزيد دقاته و الماي البارد موب زين له

  6. Ali Hussain Jawad Alhalwachi Says:

    توه أمس جايني الإيميل مال الأشياء اللي صارت قديمه هههه
    موضوع لطيف

    تحياتي

    • wara8mu5a6a6 Says:

      على فكرة ايميل الأشياء اللي صارت قديمة موجود بأكثر من إصدار .. يمكن توصلك ثلاث اربع ايميلات بهالخصوص و كل ايميل فيه صور يديدة

      شكرا

  7. Ali Hussain Jawad Alhalwachi Says:

    أين جديد المدونة؟

  8. دردشة عراقنا Says:

    very nice Great Article

  9. دردشة عراقية Says:

    thank u

  10. شات عراقنا Says:

    رووعة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: