مهرجان الخنازير

هالسنة العام الدراسي ابتدى متأخر, صاحبته إحتياطات و إحترازات للوقاية من انفلونزا الخنازير, بالنسبة للجامعة اللي آدرس فيها كان الموضوع اشبه بمهرجان الخنازير, الكل يرتدي الكمامات, الكل يضع المعقم و الكل سعيد بهذه البداية .. شي من كسر الروتين

كنت من الناس اللي يسلمون عادي, ما نقص شي من طقوس التحية عندي,مع الوقت و مع زيادة معلوماتي بخصوص المرض, صرت احس بالذنب لاني قاعدة استهين بخطر حقيقي على الأقل على مستوى البحرين.

شتقول لميس ضيف حول هذا الموضوع ؟ إليكم بهذا المقال 

Advertisements

14 تعليق to “مهرجان الخنازير”

  1. Salah Says:

    وين تدرسين؟ في الصين؟

    🙂

  2. صوت الكويت Says:

    أعتقد أن خطورة المرض مبالغ فيها
    والوفياة ممكن تحصل من أي مرض
    وحسب تقارير منظمة الصحة العالمية يتوفى سنويا بحدود 500 ألف شخص سنويا بالعالم بسبب الافلونزا العاديه

    • wara8mu5a6a6 Says:

      كلامك فيه نسبة كبيرة من الصحة .. آنه قريت انها مؤامرة من شركات الأدوية طلبا للربح من بعد الركود الأقتصادي .. بس بعد الواحد لو يتأملها شوي, في البحرين عندنا السكلر مرض وراثي متعب .. كثير من المصابين فيه, مع تغير الجو من البرد للحر و العكس صحيح, يترقدون فترة بالمستشفى
      فالسنة اشبيصير خصوصا و المرض يديد و الناس مو عارفة اشلون تتعامل معه
      اكيد الوضع بيكون مختلف و محتاج كم من الأحترازات

      شكرا على التفاعل 🙂

  3. Safeed Says:

    المبالغة محيطة بالمرض،
    خصوصا عندنا في الخليج، هناك تخوف مبالغ به
    المرض انفلونزا عادية بالاضافة لاعراض أخرى، ولا خطر منها
    سوى إلا تلازمت مع مرض مزمن آخر .. بس.
    فتخويف كل الناس، و تصوير المرض على أنه طاعون قاتل للجميع هو مجرد بالونة تحبها وسائل الاعلام وجماعات الضغط السياسي عندنا

    • wara8mu5a6a6 Says:

      احنا عالم ثالث.. ماعنده بنية تحتية و الدليل هالقطرتين ثلاث اللي يطيحون باللشته جوف شسيوون بالشوراع فما بالنا و المرض.
      الناس خايفة من نقص الأستعدادات
      من المضاعفات
      و من التشخيص الخطأ – و هاذي نحط تحتها خطين – اكثر من المرض نفسه
      بإختصار ما نثق بالمتوفر في حال الإصابة

      قريت قصة موسى التيتون – وفاة اول بحريني بأنفلونزا الخنازير- هاذي اللنك

      http://alkrar.yoo7.com/montada-f8/topic-t2033.htm

      شكرا على التفاعل 🙂

  4. Catwoman Says:

    انزين و اذا صادج المرض ؟؟
    اصلاً تجربة جديدة و حلوة انج تترقدين في العزل خخخخخخ
    تيك ات ايزي يا عزيزتي

    • wara8mu5a6a6 Says:

      زيدي عليها بحصل موضوع حق بوست يديد !!!!!!!!!!!!!!!!!!

      انها كات وومن
      ترى دائما ذلك الجانب المشـــــــــــــــــــــــــــوق من الكأس

      شكريا .. من الطراز الممتاز 🙂

  5. DUBAI Says:

    في لندن يا أختي مسوين طاف للموضوع ..

    حتى ايطاليا و فرنسا و سويسرا و ألمانيا ..

    مادري ليش بس عندنا مبالغين فيه !

    لكن الله يعافينا من كل آفة و من كل وباء ..

  6. Bashayer Says:

    هلا و الله هلا ..
    و كلما رحنا مكان أختموا في ايدنا ..تقولين خرفان حق ذباايح ههههه
    لا لا و الله ماقصروا ويا إجراءاتهم الإحترازية
    صج الدوام تأجل و كانت فيني حال ابي اداوم بلي يصير لكن بعد الإحتياط واجب
    و الله يخلي الديتول XD

    • wara8mu5a6a6 Says:

      و انتي الصاجة
      الله يخلي الديتول و طمقة لحم حلال
      لو لا هم .. جان ما ابتدت الدراسة

      عندي سؤال .. هل كلمة احترازية مشتقة من حرز مثلا ؟! .. لغتنا العربية غنية .. شكرا على التفاعل

  7. Lost Soul Says:

    أهلا ورق مخطط (بحرينية سابقاً) ..

    الحمدلله عالسلامه، و ولكم باك P: ..

    الدنيا حاليا كلها مولعة على انفلونزا الخنازير،،
    الجامعة والدوام وكل مكان صارت فيه المعقمات هذي ..
    اشوف ان وجود المعقمات شي مفيد في كل الاحوال .. سواء عشان المرض او بدونه ،،

    لكن السيء ردت فعل بعض الناس اللي ما يبغى يسلم بطريقه زينه عشان المرض،، ممكن معاه حق، لكن مفروض ما يجرح مشاعر الناس بالسلام عليهم بطريقة عجيبه كأنهم مجروبين وهو شايفهم طبيعيين .. صح ممكن تكون مصاب وتنقل المرض قبل ظهور الأعراض،، لكن،، ما ادري ..

    الخلاصه،، أنا اشوف ان الموضوع مبالغ فيه بزيادة .. وخصوصا لما نشوف دول غربية ثانية ما سوو كل الزحمه هذي ..

    تحياتي

    • wara8mu5a6a6 Says:

      اهلا لوست سول

      شكرا .. شكرا

      السلام في ظل إنتشار الفايروس قصته قصة .. اللي لمه تمد ايدك يقولك آنه ما اصافح و تتفشل .. و اللي لمه يدري انك راجع من سفر مثلا يحاول يبتعد عنك قدر المستطاع .. و هكذا
      بس بعد بشرية العالم الثالث ما تنلام .. يفكرون فيها بهالطريقة و معاهم حق .. في حالة المرض هل سيشخص بطريقة صحيحة .. هل سأجد الرعاية الكافية .. و ليش معقمات ديتول صارت تباع بجانب الحلويات و الشوكولاته عند الكاشير, اكيد الموضوع كبير .. بإختصار لين حقت حقايقها من لنا

      طرا على بالي اطالع التعريف الكامل ل “العالم الثالث”
      و هذا اللنك

      http://ar.wikipedia.org/wiki/%D8%A7%D9%84%D8%B9%D8%A7%D9%84%D9%85_%D8%A7%D9%84%D8%AB%D8%A7%D9%84%D8%AB

      لاحظ خصائص العالم الثالث النقطة الثانية

      شكرا على التواجد 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: