تبين فلفل

 

تبين فلفل ؟

لا شكرا

ليش ؟

لأن الفلفل حار و انا ما احب الحار

 

تبين دقوس ؟

لا شكرا

ليش ؟

لأن الدقوس هو الفلفل و الفلفل حار و آنه ما احب الحار

 

تبين شطة ؟

لا شكرا

ليش ؟

لأن الشطة هي الدقوس اللي اهو الفلفل و الفلفل حار و آنه ما احب الحار

 

انزين , عيل اشتبين ؟

ما ابي شي .. انتي اللي قاعدة تسأليني من مساع

وي .. صج .. انزين عيل .. تبين فلفل ؟؟

 

Advertisements

13 تعليق to “تبين فلفل”

  1. Lost Soul Says:

    أهلا بحرينية

    الشطة،، زينه ليش لا،، اللي يخليها زينه انها حاره،،
    😛

    فيه ناس يحطون شطه في كل شي،، برجر، شاورما، رز،، بطاطس،، لازم شطه،، هذولي مدري كيف صراحة،، ذوقهم عجيب،،
    الأكله الوحيدة اللي احط فيها انا شطه (اضافه من عندي يعني، ميب اساسيه) هي مكرونة بالفرن امي تسويها،، بس
    أما عاد برجر بالشطه مدري كيف تجي :\

    مشكورة عالتدوينة يا بحرينية
    تحياتي
    في أمان الله

  2. abosaed Says:

    أنا أكره التكرار في الطلب و الالحاح في العزيمة
    لكن أحب الفلفل و أحب التتبيلات الحاره الله يهديكم جعنا

  3. الحلم الجميل Says:

    Spicy food is THE BEST !

  4. الحلم الجميل Says:

    على فكرة

    بيت خالتي في البحرين يحطون بهارات في كل شئ

    حتى لمن يقلون بطاط يرشون عليه كركم

    بدأنا نشك في حقيقة جنسيتك

  5. ورق مخطط Says:

    Lost Soul :
    اهلا لوست
    الفلفل بالنسبة لي عامل ازعاج اثناء تناول الوجبة
    يعني اشلون الواحد ياكل شي طعمه يحرق
    وين المتعة في الموضوع .. ابي اعرف للحين مو عارفة
    ابسط مثال عمرك شفت احد تصيده حرقة بالمعدة و تلاقيه مستمع بهالشي ؟؟
    انا اقول ان حرقة المعدة تتساوى مع حرقة الطعام من حيث الازعاج
    شكرا على التعليق و الله يخلي لكم الوالدة 🙂

    abosaed :
    اهلا ابو سعد
    فعلا الالحاح في العزيمة مزعج و يفشل
    بس في ناس تعتقد انه مفروض بداعي اكرام الضيف
    بس تدري شنو اللي ازعج منه .. لمه تكون حاط بالصحن الكمية اللي تناسبك
    و تكون الكمية جريب بتخلص و انت بنفس الوقت مقدم على الشبع , و اذا بيد اتت من حيث لا تدري
    ممسكة بالملاس و تحط لك كمية اضافية بداعي الكرم .. في هالحالة ما تدري تشكرهم
    تنحرج و تضطر تاكل او تتحسف على اللي الاكل اللي راح ينقط بالزبالة
    الفلفل و التتبيلات الحارة .. اممم اؤمن ان الناس اذواق و لولا الاذواق لبارت السلع
    شكرا يا ابو سعد على التعليق 🙂

    الحلم الجميل :
    اهلا بالحلم الجميل
    لأنني لا احب المأكولات الحارة اصبح هناك تشكيك في جنسيتي , ممكن نعتبرها محاولة
    فراسة بائت بالفشل لووووول
    بحسب خبرتي المتواضعة في المطبخ , اعتقد ان الكركم مو حار لكنه يعطي لون من جذي يحطونه على البطاط قبل القلي عشان يصير لونه – اي البطاط- اصفففففففر
    شكرا على التعليق يا الحلم الجميل
    اند اي دس اقري وذ يو بيكوز سبايسي فود از ذا ورست 🙂

  6. هذيان Says:

    ههههههههههههههههه

    أكره الدقووووووس

    عجبتني السالفة هههههههه
    يسعدك ربي 🙂

  7. DUBAI Says:

    بحرينية

    أبى أجااااار

    : D

    !!

  8. wara8mu5a6a6 Says:

    هذيان :
    اهلا هذيان
    في احد يشاركني هذا الكره .. وايد زين
    اشكرك 🙂

    Dubai :
    اهلا دبي
    روحي مناااااااااااك
    اجاااار و من مين ؟؟ مني آنه
    :p
    اشكرك

  9. female Says:

    كل الطرق تؤدي إلى فلفل ..
    مزعجة [ الله يسامحها[

  10. DUBAI Says:

    اللي فيه هامبا

    بعد مب آي نمونة

    خخخخخ

    !!

  11. wara8mu5a6a6 Says:

    female :
    😀
    عبارة جد بليغة
    اشكرج

    Dubai :
    آجار همبة
    امممممممم
    الله يخليكم حق بعض

  12. ودّ Says:

    تبين فلفل؟

  13. wara8mu5a6a6 Says:

    ود :
    😮

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: